المراجعة الأولي لمادة نظم التشغيل معهد ابوقير حاسب الألي و نظم المعلومات
تعريف الحاسب الألي ؟
اي جهاز يحتوي علي بروسيسور فهو كمبيوتر
نظام (مجموعة برمجيات) تتحكم في كل ادوات الادخال و الاخراج و عمليات البرمجة
زي ما اخدتم في مقدمة الحاسبات و عارفين طبعا ايه هي ادوات الادخال و ايه ادوات الاخراج
يعني ادوات الادخال: الكيبورد , الميكرفون , الكاميرا
و ادوات الاخراج: زي الشاشة, السماعة
تمام دلوقتي بقي لازم تعرف ان عشان الاتنين دول يتوصلو ببعض
و يشتغلو سوا لازم يكون في النص حاجه
اي بقي الحاجه دي هي المعالج
المعالج : هو عقل الكمبيوتر مفيش اي داتا بتخش الكمبيوتر الا ولازم تعدي علي المعالج
لكن لكن المعالج مش بيقدر ياخد داتا من كذا اداة ادخال في نفس الوقت هو بياخد الداتا من اداة واحدة بس
مثال: انت دلوقتي بتلعب لعبة علي الجهاز بتاعك و بتستعمل الماوس و الكيبورد فيها المعالج لما بيجي يستقبل الداتا بتاعت الماوس بيقول للكيبورد استني شويه اما انفذ الداتا بتاعت الماوس
طب هي الداتا بتاعت الكيبورد بتستني فين؟
و يجي هنا بقي دور ال (Ram)
طبعا عملية المعالجة دي بتحصل في ثواني انت مش بتاخد بالك بيه
Performance
الاداء عشان يتحسن في الجهاز بتاعك في حاجتين مرتبطين ببعض لازم يتحسنو:
1- زمن دورة المعالج , Machine Cycle :
و دي بقي تبقي سرعة المعالج و السرعة دي بتتقاس بال Ghz .... و كل ما سرعة المعالج تزيد كل ما الاداء بيزيد في الجهاز
2- حجم مسار الداتا , Data Bus Size :
و المسار هنا يقصد به المكان الي بتمشي فيه الداتا .. انت ممكن تفضل تزود في الاداء و انت شغال علي مسار صغير سيظل الاداء برضو ضعيف لأن انت مصغر و مضيق المكان علي الداتا بتمشي فيه
و المسار ده بيبقي نوعين :
1- 32 Bit و ده بيشتغل عليه نظام تشغيل (ويندوز 7 او XP)
2- 64 Bit و ده بيشتغل عليه نظام تشغيل (ويندوز 8 او 10)
Machine Cycle
1- Fetch : وهو احضار الداتا من الرام
2- Decode : عملية التكويد
3- Execute : عملية التنفيذ للداتا
4- Store : تخزين الناتج في الرام
Machine Cycle Time
وهو الزمن الذي يستغرقة المعالج لتنفيذ العمليات الاربعة السابقة
Data Bus :
كمية البيانات التي يستطيع المعالج معالجتها في السيكل الواحد و تقاس
بالبت
بس كده انت المفروض دلوقتي تكون فهمت العلاقة بين الرامات و المعالج و الداتا بتشتغل ازاي لو عجبتك المراجعة دوس صح علي الانطباع تحت و وقولنا في التعليقات عاوز مراجعة لمادة ايه كمان ... انتظرو المراجعة التانية
كلمات البحث :
المعالج, الكمبيوتر,الحاسب الالي,البروسيسور,الرامات
ننتظر المراجعة التانية عشان الامتحانات قربت
ردحذفشكرا جدا فهمت الصراحة من الشرح المبسط ده ��
ردحذفياريت مراجعة لمادة الاقتصاد عشان مش فاهمه فيها حاجه��������
ردحذفبسم الله ماشاء الله
ردحذفبجد والله الف شكر
بس يا ريت لو في كذا جزء لنظم التشغيل
معلش انا اسف يا ريت تبقى في كل المواد اللي هي
مقدمه في الحاسبات
مبادئ تنظيم و اداره
مبادئ الاقتصاد
ممكن ولا ايه
بس بصراحه الشرح جميل جدا والله ❤️❤️❤️