المراجعة الثانية لمادة نظم التشغيل معهد ابوقير حاسب الألي و نظم المعلومات
بعد اول مراجعة لمادة نظم التشغيل و الي حازت علي اعجاب طلبه كتيرة منكم شكرا علي الدعم
Bios
Basic input output System
وهي عبارة عن شريحة ذاكرة من النوع Rom و توجد في اللوحة الام
علفكرة الشريحة دي مهمة جدا عشان بتقوم بوظائف مهمه :
1- عندما تقوم بتشغيل الحاسب الالي فان البيوس تقوم بفحص جميع اعضاء الجهاز و انها لا تحتوي علي مشاكل او عدم فقد اي عضو من اعضاء الحاسب و تسمي هذه العملية ب Post
2- بعد الانتهاء من هذه العملية يقوم البيوس بأصدار صفارة قصيرة اذار جميع اعضاء الجهاز سليمة ولا يوجد اي شي تالف او مفقود , و تصدر صفارة طويلة لما يوجد خلل ما و تظهر رسالة تبين الخطا
خلي بالك عشان ممكن يجيلك سؤال هنا يقولك ان الطريقة الي فاتت دي كلها هارد وير بطريقة باحته مش سوفت وير
3- المهمة الرئيسية للبيوس هي القيام بعمليات الادخال و الاخراج وهو الوسيط بين البرامج و العتاد الي هو المعالج حيث تقوم البرامج بالتحكم في العتاد عن طريق البيوس
دي اهم وظيفة للبيوس .... مثال :
دلوقتي انت لما تيجي تشغل لعبة علي الجهاز بتاعك ... اللعبة بتصدر امر للعتاد انها هتفتح دلوقتي وعاوزه العتاد يشتغل معاها عشان يعرضلك اللعبة علي الشاشة ... بتتحكم بقي اللعبة في العتاد ازاي عن طريق شريحة البيوس
و البيوس دي بقي بتتكون من حاجتين :
1- Rom :
برنامج خاص بمصنع اللوحة الام مكتوب بلغة ال C في الغالب وهو المسئول عن تشغيل ملفات بدء نظام التشغيل بناء علي العنوان المحدد من قبل المستخدم و المخزن بالذاكرة المؤقتة Ram
2- Ram :
تحتوي علي عنوان ملفات بدء النظام المحدد من المستخدم
طب احنا فهمنا من الجزء الي فات ده ان ملفات النظام الي انت بتحددها مع تشغيل الجهاز محطوطة علي الرام ..... طب في سؤال مهم جدا هنا بقي الرام دي ذاكرة مؤقتة تمام؟ يعني لو جيت فصلت الجهاز من الكهربا ملفات النظام هتتمسح و الجهاز هيهنج ....
عملو بطارية بسيطة جدا بتتحط جنب البيوس في اللوحة الام و هي
CMOS Battery البطارية دي بتحفظ البيوس و عمرها طويل جدا
نتقابل في المراجعة الجايه هتبقي مهمة
كلمات البحث :
المعالج, الكمبيوتر,الحاسب الالي,البروسيسور,الرامات
بجد جميله اوي
ردحذفألف شكر ❤️❤️
عاوزين باقي المواد ونبي
ردحذف