الكورس الاول لمادة مقدمة في الحاسبات معهد ابوقير حاسب الالي و نظم التشغيل
1- الحاسب الشخصي :
و يعرف باسم Desktop Computer وهو النوع الاكثر استخداما و يصلح لخدمة الافراد و المؤسسات التجارية وهو الاكثر انتشارا حيث توجد الان العديد و العديد من الشركات المصنعه لاجزاءه.
2- الحاسب المحمول :
يعمل بنفس الطريقة التي يعمل بها الحاسب الشخصي و يسمي ايضا Laptop وهو صغير الحجم و يمكن وضعه داخل حقيبه صغيره يسهل حملها و نقلها.
مكونات الحاسب الشخصي
1- المكونات المادية Hardware
2- المكونات المعنوية Software
المكونات المادية :
1- وحدة النظام System Unit
2- وحدة الادخال Input Units
3- ودحدة الاخراج Output Units
المكونات المعنوية Software:
1- نظم التشغيل Operating systems
2- تطبيقات الحاسب Applications
3- برمجيات الحاسب Languages
Hardware
1- وحدة النظام System Unit
تتكون من ثلاثه اجزاء
1- الغلاف (الكيسه) و وحده امداد الطاقه
دي يصحبي الي هي الكيسة بتاعت الكمبيوتر و بيبقي فيها كده من ورا حاجه اسمها الباور صبلاي وده الي بيمد الجهاز كلو بالكهربا
2- لوحة الام (Mother Board)
و دي اهم قطعه في الكيسة كلها و هنتكلم عنها بالتفصيل كمان شويه
3- وحدة التخزين الثانوية :
1- القرص الصلب
الي هو الهارد بتاع الجهاز
2- القرص المرن
3-الفلاش USB
2- وحدات الادخال InPut Units :
ودي اي اداة بتدخل داتا للكمبيوتر زي
الماوس , الكيبورد, الميكرفون,الكاميرا و حاجات تانيه كتيره
3- وحدات الاخراج Output Units :
ودي اي اداة بتخرج الداتا زي
ودي اي اداة بتخرج الداتا زي
الشاشه , الطابعه , السماعات
Mother Board
اللوحة الام هي الجزء الاكثر اهميه في وحدة النظام , و اهميتها تكمن في انها الاساس في تكوين الجهاز , فهي الجزء الذي يرتبط به جميع ا
و بتتكون من اي بقي ركز معايا :
1- Cpu Socket ودي الحته الي المعالج بيركب فيها
2- Ram Slots الحته الي الرامات بتركب فيها
3- Expansion Slots ودي عباره عن شقوق تقع في الجزء الجنوبي من اللوحة الام و تستخدم في اضافه الكروت المختلفة و منها
كارت الشاشة
4- Chip Sets طقم الرقاقات
عباره عن شرحتين مربعتين , الاولي تقع في الجزء الشمالي من اللوحة و تستخدم لوصل المعالج و الذاكرة العشوائية و كرت الشاشة مع بعضهم البعض و تنظيم البيانات بينهم.
اما الاخري فهي في الجنوب تعمل علي وصل اجهزه الادخال و الاخراج و تحدد السرعة بين اللوحة الام و القرص الصلب
5- شريحة بيوس Bios
و دي اتكلمنا عليها بشكل كام في مراجعة قبل كده بس هنعيد اهم الحاجات الي فيها :
Basic input output System
وهي عبارة عن شريحة ذاكرة من النوع Rom و توجد في اللوحة الام
علفكرة الشريحة دي مهمة جدا عشان بتقوم بوظائف مهمه :
1- عندما تقوم بتشغيل الحاسب الالي فان البيوس تقوم بفحص جميع اعضاء الجهاز و انها لا تحتوي علي مشاكل او عدم فقد اي عضو من اعضاء الحاسب و تسمي هذه العملية ب Post
2- بعد الانتهاء من هذه العملية يقوم البيوس بأصدار صفارة قصيرة اذار جميع اعضاء الجهاز سليمة ولا يوجد اي شي تالف او مفقود , و تصدر صفارة طويلة لما يوجد خلل ما و تظهر رسالة تبين الخطا
خلي بالك عشان ممكن يجيلك سؤال هنا يقولك ان الطريقة الي فاتت دي كلها هارد وير بطريقة باحته مش سوفت وير
3- المهمة الرئيسية للبيوس هي القيام بعمليات الادخال و الاخراج وهو الوسيط بين البرامج و العتاد الي هو المعالج حيث تقوم البرامج بالتحكم في العتاد عن طريق البيوس
دي اهم وظيفة للبيوس .... مثال :
دلوقتي انت لما تيجي تشغل لعبة علي الجهاز بتاعك ... اللعبة بتصدر امر للعتاد انها هتفتح دلوقتي وعاوزه العتاد يشتغل معاها عشان يعرضلك اللعبة علي الشاشة ... بتتحكم بقي اللعبة في العتاد ازاي عن طريق شريحة البيوس
ولو عاوز تقرا اكتر عن البيوس دوس علي كلمه هنا
6- منافذ توصيل محركات الاقراص :
وهي عبارة عن موصلات نحاسية تحتوي علي عدد معين من الابر و ذلك لتوصليها بكابل يتصل من الجهه الاخري بمحركات الاقراص المختلفة.
7- النواقل .. 3 انواع :
1- Data Bus
2- Address Bus
3-Control Bus
9- منفذ الطاقة .. Power Supply ده الي قولنا انه بيمد الجهاز كله بالكهربا
انتظرو مننا المراجعة الجاية مع اطيب التمنيات بالنجاح .. ياريت الناس متاخدش موضوع التاجيل علي اساس انه اجازه يمكن تكون فرصة ليك عشان تلم المنهج
كلمات البحث :
سوفت وير , هارد وير, كمبيوتر,حاسبات,معهد ابو قير,نظم,حاسب الالي
تعليقات
إرسال تعليق